31 March 2009 Tuesday: 祝福咪咪
最近狗地一家要面對一個課題，就係狗地收到指示要搬屋屋。原本搬屋倒是平常事，但要帶狗地一起去一處人狗共融的地方，實在並非易事。左想右想，思考不同的安置方法，但不容易去找一個十全十美的方法。咪咪說，自己一個人的話，想去邊就去邊，那管再找一個單位租上十年八載；但是，咪咪不是一個人。為了狗地，為了方便米糕婆婆出入買食送和交通，咪咪覺得，自己總要去學習遷就，學習平衡各方面的需要。在有限的情況下，咪咪要為狗地一家找一個合適的家。
任何一個決定，都有利與弊，咪咪心入面清楚得很。幸好任何一個決定，米糕公公婆婆，舅父仔和舅母(當然仲有希希表妹)都給予咪咪無限量的支持。
請大家繼續為咪咪祝福，希望亞耶穌哥哥指引咪咪去找一個家給狗地一家。
13 March 2009 Friday: 放底工作開開心心聚一聚
今天晚上，一夠鍾放工就同小師妹即走去行街街!不過，想買既野就買唔到!行左一陣，就去會合其他同事去老地方食飯。每次係老地方食飯，都好鬼開心，D野又好好食。今晚仲試左杯泰國碑酒同西班牙紅酒!YUMMY!
食完主菜，應該到食甜品既時候，亞豪哥拎左個箱出來。一開箱，真係嘩一聲，原來佢帶左多多bb個替身來呀!!!!原來亞豪哥預先拎左多多BB張相去比人整左呢隻卡通版多多BB，好有心思呀(唔怪之得上星期問我要唔要將多多bb整成蛋糕啦)!Waiter哥哥見到多多bb既替身，誤以為係我既生日，仲連聲祝我生日快樂。不過唔緊要啦，我地呢班同事，無時無刻都唸d新創意出來，搞下爛gag，開開心心爆笑左一晚。(其實都真係唔捨得食個多多bb蛋糕架，不過味道真係幾好食)
為左下星期一返工又可以再爆笑下，而家要出去搵另一樣物資喇!
~~~ 多多bb既真身 ~~~
~~~ 多多bb既替身 ~~~
~~~ 帶左髮簪既多多bb ~~~
~~~ 多多bb替身而經同我地融為一體，呢d係拜拜肉囉 ~~~
~~~ 今日個天好清呀!!(坐擁維港景色既晚餐，真係好正) ~~~
01 March 2009 Sunday: 放大縮細包包
相信大部份攝影愛好者都有同一個問題:拎住咁多咁重既器材，到底用咩袋最卸力，又最輕巧方便呢??上個月同信非去旅行，比我地發現左一個好好用既背包，袋仔細細但就裝到好多好多野。仲有就係當你放左好多野入個包包之後，用雙手去拎個包包其實係超重既，但背上包包之後佢就幫人卸左好多力。感覺就好似個包包有放大縮細功能咁!!!!正正正!
(註:呢個有"放大縮細"功能既包包，原本只係一個旅行用途既袋，佢既設計絕對唔負責保護你心愛既攝影器材架。下稱"放大縮細包包" )
~~~ 材料一: "放大縮細包包" ~~~
包包既容量:10L; Dimension: 16"x10"x5"
(背包既LOGO用相片編輯器拎走左)
~~~ 材料二: 相機保護墊 ~~~
~~~ 材料三: 你心愛既相機同器材(我最多只會帶2枝鏡出街，今次找來小小白IS同標準變焦鏡頭加一部Mark哥 ~~~
方法如下:
~~~ 先將Mark哥連標準變焦鏡用相機保護墊包好，放在"放大縮細包包"內 ~~~
~~~ 再將小小白IS包好，放在Mark哥側邊 ~~~
~~~ 再將"放大縮細包包"既拉鍊拉好(背包既LOGO用相片編輯器再次拎走左) ~~~
完成了
有無發現，"放大縮細包包"照片左手邊凸起，右手邊仲有少少空間凹左入去?外面有拉鍊既小袋仲可以放少量個人物品 --- 即正常SIZE既銀包同鎖匙，加一包TISSUE!
(緊記:放大縮細包包絕對無保護攝影器材既功能，使用時小心)
01 March 2009 Sunday: My Photo Buddies
現在，陪伴我去創作既好拍檔就係佢地喇!
~~~ 來個全家福吧!!!! ~~~
~~~ 當然唔少得我既Snapshot好朋友 ~~~
28 February 2009 Saturday: 我的攝影路
好多朋友都問，到底Micherrie Home用既係咩相機?有細心既朋友會留意到我地最近既Signature已經加左EXIF既資料喇，入面係有相機既資料庫。又有朋友問，用咁多$$$$$買一部相機同配件ssssss，其實值唔值得?AMMA，其實呢個問題真係好難答。我好同意，攝影係一門代價非常之大既興趣同娛樂。值唔值得?真係見仁見智。不過，如果你問一個攝影愛好者呢個問題，相信大部份都會答你，係有限既範圍之內，大部份都會值得。器材固之然會影響一張相既色彩和成像，但最重要係拍攝者既內心和情感。亞Sir成日講，有好既題材，有敏銳既觸角，有深度既攝影眼，就算用"傻瓜機"都會影到一張好既相(呢個咁深咁高既境界，唔知我幾時先可以Touch到同Feel到)。
今日，即管公開一下陪伴我地走進攝影路既最佳影友啦!!
我的第一部相機，係係NNNNN年前買既EOS888---當年既Canon入門單反機。而家EOS888去左邊?我都唔記得lu。
第二部相機，亦係我第一部既數碼相機，就係Canon IXUS 700。呢部相機係由米糕仔2002年來到我家之後一直負責影底米糕仔成長過程既好拍檔來既。呢部機陪伴左我地2年先退役架!
第三部既機，係我既第一部Prosumer — Canon PowerShot G6。呢部機係2004年12月開始為米糕仔同口者喱豬拍照。當時覺得要影米糕仔，相機既起動時滯同快門都要快快快，而好明顯，IXUS700係達唔到呢2項要求。加上Prosumer可以調較光圈和快門，和其他攝影設定，可拍攝的組合可以提高了。亦因為G6，我就徹徹底底為興趣而走入這條攝影之路上。
第四部相機，就係我的第一部數碼單反機 — Canon EOS350D。玩得Prosumer，自自然然就會走上單反既路，亦係一條"好毒好毒"既路啦。就係2006年3月，我又加入單反行列喇!當時EOS350D絕對係一部超捧既入門機。係350D身上，令我再重身跟亞Sir學攝影。亦係呢個時候，我開始對不同既器材產生興趣，因為不同的組合可以拍攝出不同的情感出來(當然亞Sir同師兄師姐既毒物亦發出強烈既毒性啦)。2006年以後，絕對係我攝影路上既全盛時期。這段期間，仲先後添置左我的第一部全天候防水機(去游水真係一流) — Olympus U720SW同我的第一部可拍高清(HD)影片既相機 — Sanyo Xacti HD1A
2008年，因為身體既問題，唔可以成日拎住部咁重既單反出街，又咁好彩Fuji出左一部非常出色既"傻瓜機" — Fujifilm FinePix F100fd，所以，就添置左亞"傻瓜"返來成為我既Snapshot好拍檔喇!
第八部機，係我足足等左3年既Canon EOS5D MarkII。係2006年，各攝影愛好者都知道Canon快要出5D既後繼機。但係Canon每年兩次公佈既新機，都一直唔見有5D既後繼機，反而350D既後繼機都出左幾代喇!點解等左咁耐，都仲要等佢?皆因5D係我夢寐以求既Full Frame呢(Full Frame有咩好?遲下先再解釋啦!)!因此，Mark哥出左無幾耐，我哥哥就即刻幫我搵到佢既真身比我喇!仲記得當日哥哥陪我去接Mark哥返屋企，我哥哥部5D同我部5D MarkII放在一起，簡直就好似兩兄妹咁，D sales同其他客人行過都要欣賞一下!
而家回想起，其實我都真係有好多相機，亦都達到相當高既"過份"程度。看來，喜歡攝影，係令人有一種好徹妙既感覺，用相片去表達感情；不過同時，都可以令人跌入無底既深淵，就好似師兄師姐所講 --- 毒海無崖呀!
不過，要講我既攝影路，不得不提我的哥哥和舅父呢!當年佢地影既相，簡直美得令我嘆為觀止!亦因為佢地都係用Canon，就好順理成章令我成為Canon既粉絲囉!
22 February 2009 Sunday: 昶希好幸福，係咪呀??
今日，希希好掛住希希FA，所以就帶左希希MA去探班喇!
~~~ 先沖個靚涼先 ~~~
~~~ 洗完白白心情好靚靚 ~~~
~~~ 腳仔好可愛 ~~~
~~~ 食返個TEA ~~~
~~~ 希希MA,我地出發喇 ~~~
~~~ 好緊張呀 ~~~
~~~ 希希FA呀!!希希LOVES希希FA MA! ~~~
~~~ 幸福係咩?睇下希希係FA MA懷中就知啦! ~~~
~~~ 希希好開心呀 ~~~
~~~ 希希MA同希希一樣咁SWEET ~~~
~~~ SWEET SWEET SWEETIE ~~~
~~~ 多多表情既希希 ~~~
~~~ 嘟咀好可愛呀 ~~~
~~~ 幸福~~~就是這樣簡單 ~~~
~~~ 幸福的一家 ~~~
~~~ 我大個女,自己拿奶樽 ~~~
~~~ 我又要食野 ~~~
~~~ 希希向下望, 望咩呢? ~~~
~~~ 之唔係希希的1號ADIDAS!! ~~~
~~~ 係時候要返屋企ZZZZZZZZZZZZZ ~~~
~~~ SWEET SWEET SWEETIE ~~~
15 February 2009 Sunday: 主!你若願意，就能潔淨我。
今日恩神父獲邀請到我地聖堂舉行彌撤。我自己一向都好欣賞恩神父講道，所以見到佢今日來主持彌撤，個心真係暗自歡喜，仲衰衰咁想:"好彩我今日能夠堅持起身去參與彌撒"。
恩神父以今日既讀經講述耶穌醫治好痳瘋病人，引導我地去思考人與人之間的隔膜。好多時，我們都以為自己最精靈，自己所做的一切是最好，最有智慧的方法。可是因著我地自己的自我、高傲、偏見或誤解，常常因著別人的不同思想或處事方式就認定對方是不智、愚蠢、無見識、無知、低等、次等........是的，很多時都會聽到自己或別人說:"那些大陸人......"，那些新移民....."，"個D亞差....."，如果我地身在外國，亦確實不難聽到外藉人會說中國人為"Those China......."(佢地真係唔用Chinese，而係用China)。如此，其他人好像有丁點兒與自己不同的，都會被我們排斥或看偏。
實在，好多時不單是病人需要醫治，而是那種去排斥別人的心態需要修正和接受心靈治療。
病人說:主!你若願意，就能潔淨我。
主說:我願意,你潔淨了吧!
03 February 2009 Tuesday: 台灣盡hea之旅第四天: 繼續係台北食食食
第四天(3 Feb 2009)行程:經典切生果法
我地其實係清境既第二天買左個梨，返到莊園又無開來食。拎到去台北，一無理由拎返香港啦，二更加無理由唔食浪費左佢。可惜我地又懶得問酒店職員借刀。就係咁既情況之下，信非大清早就表演一場經典切生果法~~~方法如下:
~~~ 先同個梨子拍個照 ~~~
~~~ 然後用把"刀"切開個梨 ~~~
[不過看清楚，這把刀其實係酒店房間的茶匙~~~~搞笑]
~~~ 看，短短2分鍾，個梨已經被KO左三分一 ~~~
~~~ 十分鐘後，個梨已經"體無完膚"，仲比我地食得七七八八 ~~~
~~~ 好戲在後頭WOR，我地仲幫個梨搵左一個好歸宿[無錯，佢就係浴帽先生喇] ~~~
~~~ 只是三兩下手細，信非已經教曉浴帽先生好好保護梨子小姐 ~~~
~~~ 係呢個時候，我地把"刀"又立即變返做房間既茶匙 ~~~
~~~ 今日我地食左我地至愛既麻辣火鍋 --- 太和殿 ~~~
~~~ 行程完結啦，返香港繼續HEA喇!! ~~~
02 February 2009 Monday: 台灣盡hea之旅第三天: 去台灣盪鞦韆
第三天(2 Feb 2009)行程:去台灣盪鞦韆+廣興紙寮+日月潭+集集車站+台北
今日全程都要坐何先生的車子，一路往台中車站再轉高鐵到台北。最驚喜既莫過於係台灣可以玩十級刺激的盪鞦韆。到底有幾好玩，相信非筆墨所能形容，只有親身體驗先會感受到我地玩到有幾HIGH。呢個活動成為我來到台灣極力推介既活動。玩到HIGH左，就算幾唔捨得，都要出發去台中車站了，沿途我地去行下日月潭和集集車站。由台中坐高鐵去台北，只係一個鍾到，我地放底D野係酒店就立即出去搵野食。食過D咩??先去度小月食左個擔仔麵，然後去夜市大餅包小餅、麻辣臭豆腐(不過又唔辣又唔臭--好失望)、最好食既生煎飽(係陽明戲院則)、亞蘇介紹既牛奶雪花冰。就係咁，我地係又HEA左一日喇!!
~~~ 森林內有一條繩高高的排在樹上，幹甚麼??? ~~~
~~~ 看我們爬上繩子盪鞦韆了[好玩+刺激指數:100分) ~~~
~~~ 再到另一處考考我們平衡力，要不就要掉到下面的樹林呢 ~~~
~~~ 這個是全台灣最中央的地方 ~~~
~~~ 造紙廠 ~~~
~~~ 鈴子掛滿在日月潭內的寺院 ~~~
~~~ 由山後湧到日月潭的水，成了一個小噴泉 ~~~
~~~ 在車內高速影的一張日落照 ~~~
~~~ 度小月的擔仔麵 ~~~
01 February 2009 Sunday: 台灣盡hea之旅第二天: 清境農場 + 盧山溫泉
第二天(1 Feb 2009)行程:乘包車到合歡山，再到清境農場看綿羊秀，晚上到盧山溫泉泡湯
大清早，信非已經起身沖涼刷牙洗面。佢完成所有梳洗工序[個刻只係大清早的7點]，我先施施然爬起身去梳洗(原來我都幾愛懶床)。整理好後，我地先去莊園既玫瑰花園欣賞一下晨早的花花，然後去吃個早餐充充電。我地原本是看不到的晨光第一線，點知係莊園既餐廳見到wor。
8點正，蟲蟲工作室既何先生已經係大門口等我地喇!我地今日既第一站，就係上知歡山睇雲海。今日有2個女仔朋友跟我地車車，不過我好眼目訓，無有理到人地。幸好信非有招呼下佢兩個(如果跟車個兩個係2個靚仔咪好囉，我應該會精神d 
)。
我地第一站就係去合歡山，個度既雲海簡直就係一浪接一浪咁。High完之後，何先生就帶我地去佢個office參觀。佢唔單止沖左一杯好地道既咖啡比我地飲，仲請我地飲小米釀。Hea左一陣，放底左個兩個跟車既2位乘客，我地就去醫肚。今日我地食羊肉鍋，仲同何先生和餐廳老闆一齊吃個痛快。食飽飽，我地就去青青草原睇綿羊秀。好看嗎? AMMA，我同信非都睡得好甜囉。係青青草原行左一陣，再加上遠距離望下小瑞士花園，何先生就載我地返莊園，稍事休息加吃個tea，就出發去盧山浸溫泉。Happy完之後，今日既行程又完結喇。期待第三天的旅程呢!
~~~ 晨早鄰家的露台 ~~~
~~~ 莊園的玫瑰花 ~~~
~~~ 難得一見的晨光第一線 ~~~
~~~ 往合歡山沿途一直都看到不同的雲海 ~~~
~~~ 看我們抬起這片雲海 ~~~
~~~ 我們剛才就是沿這條路上合歡山的(看那絲絲的白雲) ~~~
~~~ 山後面的冰 ~~~
~~~ 今天是2009年2月1日，時間為上午10時10分 ~~~
~~~ 溫度是2.8度 ~~~
~~~ 高度是海拔3158公尺 ~~~
~~~ 原來我們想行上山頂的(不過來到這個位置，我的哮喘病的確有d影響，抖氣有d急。不過為免打斷信非既雅興，所以扮下同平時一樣呼吸。不過信非另一方面又為了朋友著想，決定不爬到上山頂。我下次養好身子一定和信非你再爬上去!) ~~~
~~~ 拍攝既時候遇到一個影友，剛好成為我的"毛豆" ~~~
~~~ 我地走既時候，仲有咁多車來到合歡山 ~~~
~~~ 為我們服務的何先生和廖先生(我們昨天的導遊呢) ~~~
~~~ 何先生在蟲蟲工作室為我地沖咖啡 ~~~
~~~ 蟲蟲工作室的石蓮 ~~~
~~~ 好正既小米釀 ~~~
~~~ 吃午飯時，何先生從他的車內端了一枝小米釀讓我們喝 ~~~
~~~ 青青草原的綿羊秀，悶的讓我們睡著了。無聊間找點東西拍張照吧!(這對鞋子可是我們上飛機前一日買的，還要一人一對)~~~
~~~ 綿羊倒是很可愛呢 ~~~
~~~ 在青青草原內，我們就是沿著這條樓梯走 ~~~
~~~ 我們走了一百級 ~~~
~~~ 走完了，共有487級 ~~~
不過看清楚一點，我們倒是沿著樓梯往下走(數字的方向跟上面一張是不同的)!!!!如果往上走487級，我想我不用行，只能爬回香港了
~~~ 信非眼中的小瑞士花園 ~~~
~~~ 走完青青草原，我們已經沒有氣力爬過去小瑞士花園逛逛。所以我地就在對面影張遠景當到了 ~~~
~~~ 回到莊園吃個小點 ~~~
~~~ 倦了吧! 到盧山來個泡湯! ~~~
